Pages

Minggu, 06 Januari 2013

Lagu Tradisi Jawa Tengah Part 1


 Gajah–Gajah
 Gajah-gajah kowe tak kandani,jah
Mripat koyo laron kuping loro gede-gede
Kathik nganggo tlale buntut cilik tansah kopat-kapit
Sikil koyo bumbung mung lakumu megal-megol


Gambuh
 Sekar gambuh ping catur
Kang cinatur
polah kang kalantur
Tanpa tutur
Katula-tula katali
Kadaluwarsa katutuh
Kapatuh pan dadi awon

 
Prahu Layar
 Yo kanca ning nggisik gembira
Alerap-lerap banyune segara
Angliyak numpak prahu layar
Ing dino minggu keh pariwisata
Alon prahune wis nengah
Mbyak mbyuk mbyak
Banyu binelah
Ora jemu-jemu karo mesem ngguyu
Ngilang ake rasa lungkrah lesu
Adik jawil mas jebul wis sore
Witing kelapa  katon ngawe-awe
Prayogane becik bali wae
Dene sesuk-esuk tumandang nyambut gawe

 
Sluku–Sluku Bathok
 Sluku-sluku bathok
Bathoke ela-elo
Si rama menyang solo
Oleh-olehe payung muntho
Pak jenthit lolo lobah
Wong mati ora obah
Yen obah medeni bocah
Yen urip goleko dhuwit


Cublak–Cublak Suweng
 Cublak cublak suweng
Suwenge ting nggelenter
Mambu ketundhung gudel
Pak empo lera lere
Sapa ngguyu ndelikake
Sir sir pong dele kopong 2x


Kidang Talun
 Kidang talun mangan kacang talun
Mil kethemil mil kethemil
si kidang mangan lembayung
gajah belang saka tanah plembang
ngguk renggunuk ngguk renggunuk
gedhene meh padha gunung
tikus buntung nduwe anak buntung
cit cit cuwit cit cit cuwit
si tikus saba ning lumbung


Jaranan
 Jaranan jaranan jarane jaran teji 2x
Sing nunggang Mas Ngabei
Sing ngiring para Abdi
Jreg jreg nong 2x
Jreg jreg, turut lurung
Gedebug krincing, gedebug krincing
Prok prok, gedebug jedher


Menthog–Menthog
 Menthog menthog tak kandhani
Mung rupamu angisin isini
Mbok ya aja ngetok, ana kandhang wae
Enak–enak ngorok, ora nyambut gawe
Menthog mentog
Mung lakumu megal–megol
Gawe guyu

 #semoga bermanfaat :)

Tidak ada komentar:

Posting Komentar

Terimakasih sudah berkunjung dan berkomentar :)
Besok dateng lagi ya ^_^